XX. mendeko Euskararen Corpus estatistikoa
Testuingurua
Bertsoketan - AURRAREN IPUIN POLITA
Amatxo josten ari da
aurraren soñekoa.
Zuri-gorri-orlegi
aren eder margoa.
Urre gorri du aria,
urre zuri orratza.
Maitasunak darabiltzi
esku eta beatza.
Urbillean dabilkio
biotzaren zatia.
Amaren gozotasuna
aurraren pozkaria.
- Norentzako amatxo,
orren jantzi polita?.
- Zuretzat, ene kutuntxo,
amak ongi josita.
- Amatxo, ipuin polita
ez al duzu esango?.
- Bai, ene maite kutuna,
ederra zuretzako.
-Zeruetan aingeruak
egaldaka zebiltzan.
Aietako ederrena
etxe ontan sartu zan.